Pushkar Lele

Swapnil Bandodkar

Bharat Balvalli

तुमचं नाव इथे?


	निलेश मोहरीर अभिजीत राणॆ


	प्राजक्ता पालव तुषार पोतदार

Advertisement

Pushkar Lele : A Marathi Classical Singer (http://pushkar.maanbindu.com)

पुष्कर लेले [ तरुण पिढीतील आघाडीचा चितंनशील गायक ]
Pushkar lele : http://pushkar.maanbindu.com

पुष्कर लेले.. वयाच्या तिस-या वर्षापासून संगीत क्षेत्रात कार्यरत असलेलं हे नाव आज राज्याच्याच नाही तर देशाच्याही कानाकोप-यात पोहोचलंय. ए.आर. रेहमान आणि यु. श्रीनिवास यांच्या पंक्तीत जाऊन सनातन संगीत पुरस्कार मिळवणारा पुष्कर लेले हा महाराष्ट्रातला एकमेव गायक ठरला आहे!

शास्त्रीय संगीताप्रमाणेच नाट्यसंगीत, भावगीत, भजन, टप्पा, ठुमरी, दादरा, होरी अशा अनेकविध संगीत प्रकाराची उत्तम जाण असणारा हा नव्या पिढीचा 'आजचा आवाज' जणू!ललित कला केंद्रातून 'संगीत' क्षेत्रातील पदव्युत्तर पदवीचं शिक्षण सध्या घेत असतानाच, संगीतासह इतर कलांचाही आनंद मनमुराद लुटणारा मनस्वी कलावंत म्हणजे पुष्कर लेले.

Pushkar lele : A Marathi Classical Singer

अतिशय लहान वयात, म्हणजे संगीत या शब्दाशीही ओळख जेमतेमंच झाली असेल-नसेल तेव्हापासून पुष्करचं नातं त्याच्याशी जोडलं गेलं. 'केजी' त असताना त्याला एक पेटी भेट म्हणून मिळाली होती, त्याचा संगीत प्रवास सुरु झाला तो तिथपासून. 'बाळाचे पाय पाळण्यात दिसतात' ही म्हण आपल्याकडे उगाच वापरली जात नाही. त्याची तेव्हाची हुशारी बघूनच आईन त्याला पं.गंगाधरबुवा पिंपळखरे ह्यांच्याकडे संगीत शिक्षणासाठी पाठवलं. तिथे आठ वर्ष शिक्षण घेतल्यानंतर पुष्करने पं. विजय कोपरकर यांच्याकडेही संगीताचे धडे गिरवले आहेत. अगदी सातव्या वर्षीच राहत्या घराच्या जवळ असलेल्या एका दत्त मंदिरात त्याच्या भजनाचा जाहीर कार्यक्रम झाला होता. त्याला तिथेच पहिली दाद मिळाली अन तेव्हापासून आजतागायत रसिक श्रोत्यांच्या टाळ्या नेहमीच त्याची साथ-संगत करताहेत. सुरुवातीच्या संगीतातील शिक्षणानंतर त्याने पुढचं शिक्षण पं.विजय सरदेशमुख आणि पं. सत्यशील देशपांडे यांच्याकडून घेतलं. कुमार गंधर्वांच्या गायकीची ओढ त्याला सुरुवातीपासून होती. त्यांची गायकी समजणं किंवा त्यांचे संगीत विषयक विचार काय आहेत हे जाणून ते स्वत मध्ये मुरवून घेण्याचं काम, त्याने पं.विजय सरदेशमुख आणि पं. सत्यशील देशपांडे यांच्याकडे केलं. अत्यल्प कालावधीत कुमार गंधर्वांच्या गायकीशी ओळख झाल्याचं सारं श्रेय तो आपल्या गुरुंना देतो.
पुण्यासह अकोला, संगमनेर, नागपूर, अमरावती, औरंगाबाद अशा राज्यातल्या छोट्या-मोठ्या गाव-शहरांपासून ते इंदोर, गोवा, बंगलोर, हैदराबाद, बडोदा आणि दिल्ली अशा देशातील अनेक प्रमुख ठिकाणी त्याने उत्तम सादरीकरण केलंय. इतकच नव्हे तर देशाच्या सीमा ओलांडून त्याने ऑस्ट्रेलिया, सिंगापूर, अबुधाबी, दुबई आणि अमेरिका येथील संगीत रसिकांवर ही आपली मोहिनी पसरवली आहे. त्यामुळे सध्याच्या युवा पिढीतला तो एक आघाडीचा इंटरनॅशनल स्टार आहे, असं म्हटल्यास वावगं ठरू नये. त्याच्या पुरस्कारांची यादी करायची झाली, तर ती ही लांबलचक असेल यात शंका नाही. त्यातील काही प्रमुख पुरस्कारांची हि झलक....

सनातन संगीत पुरस्कार
सुरमणी, सुरसिंगार संसद
प. विष्णू दिगंबर पलुस्कर पुरस्कार
पं. जसराज मित्र मंडळातर्फे पैगणकर स्मृती पुरस्कार
वसंतराव देशपांडे युवा कलाकार पुरस्कार
सुधीर फडके युवोन्मेश पुरस्कार, इंद्रधनु, ठाणे
गायनाचार्य रामकृष्णबुवा वझे पुरस्कार
नरूभाऊ लिमये पुरस्कार, यशवंतराव चव्हाण प्रतिष्ठान, मुंबई

पुष्करबद्दलची सगळीच माहिती इथे देणं शक्य होत नसल्याने अधिक माहितीसाठी इच्छूकांनी www.pushkarlele.com या त्याच्या पर्सनल वेबसाईटला भेट द्यावी!

पुष्कर आजच्या युवा पिढीचा प्रतिनिधी. सध्या टॅलेंट हंटचं पिक आलय. त्यामुळे गप्पांची सुरुवात स्वाभाविकच तिथपासून झाली.

"सध्या सुरु असणारया विविध स्पर्धांमधून खरोखरी टॅलेंट हंट होतं का? तुला काय वाटतं? "
"(मिश्कील हसून) अरे माझ्याकडेच बघ ना! लहानपणापासून विविध स्पर्धांमध्ये भाग घेऊनच मी पुढे आलोय. तिथे गाणं कस गायचं हे शिकलोय, त्याच प्रमाणे कसं गाऊ नये हे देखील समजून घेतलय. मात्र आज-कालच्या संगीत स्पर्धांबद्दल म्हणशील, तर नाण्याला जशा दोन बाजू असतात, तसं या स्पर्धांचं झालं आहे. आजवर अप्रसिद्ध राहिलेलं, जगासमोर न आलेलं, टॅलेंट नक्कीच प्रकाशात येतंय. मात्र या स्पर्धा, त्यांचं आयोजन, त्यातील रंगत, हे सगळ नुसतं दिखाऊ झालं आहे, असं मला नक्कीच वाटत. या आता स्पर्धा राहिल्या नसून केवळ रीऍलीटी शो उरले आहेत का, ही खंत मनाला चुटपूट लावते."

"शास्त्रीय संगीताऐवजी इतर कोणत्या गायन प्रकारात करियर करावंसं वाटलं नाही का ?" हा माझा प्रश्न विचारून पूर्ण होण्याआधीच पुष्करचं स्पष्ट आणि सडेतोड उत्तर मिळालं. तो म्हणतो...
"तुला खरं सांगतो, शास्त्रीय संगीत हे माझ पाहिलं प्रेम आहे आणि ते यापुढील काळात देखील कायम राहील."

"विविध ठिकाणी कार्यक्रमांचं सादरीकरण, संगीत क्षेत्रातील शिक्षण याशिवाय आगामी काळातील कोणत्या योजना आहेत. त्यावर प्रकाश टाकू शकशील ?"
"हो नक्कीच! गंधार स्कूल ऑफ़ म्युझिक ही संस्था मी लवकरच सुरू करतोय. यामागचं मुख्य कारण असं की सध्या संगीत शिकण्या/शिकवण्यासाठीचे उपलब्ध पर्याय आपण पाहिले तर त्यात दोन वेगळे टोकाचे प्रवाह तुला दिसतील. यामध्ये एकीकडे एखाद्या मोठ्या संस्थेशी निगडीत ब-याच छोट्या खाजगी संस्था, त्यांनी सोप्पा केलेला आणि साचेबद्ध अभ्यासक्रम शिकवतात आणि दुसरीकडे संगीताची मोठमोठी विद्यापीठं आहेत, जिथे शिकवलं जाणारं संगीत बरच व्यापक असून, फार theoretical आणि समजण्यास अवघड असं असतं.
या दोघांचा सुवर्णमध्य साधण्याची आज कुठेतरी गरज आहे आणि नेमका हाच प्रयत्न मी माझ्या या संस्थेतर्फे करतोय... प्रथमच संगीत शिकू इच्छिणा-या विद्यार्थ्यांपासून ते advance लेव्हलच्या विद्यार्थ्यांपर्यंत सगळ्यांनाच इथे शिकवलं जाईल. तसच संगीताच्या एखाद्या विशिष्ट विभागात प्राविण्य मिळवू इच्छिणा-यांसाठीही त्यांचासाठी असे वेगळे आणि personalised सेशन्स डिझाईन केले जातील. या व्यतिरीक्त चर्चा, दिग्गज कलावंतांची साथसंगत आणि त्यांनी केलेल्या सादरीकरणातून शिकणं ही मी सुरु करत असलेल्या गंधार स्कूल ऑफ़ म्युझिक ची प्रामुख्याने वैशिष्ट्य असतील "

पुष्करने आत्तापर्यंत असंख्य मैफीली सादर केल्या आहेत. त्यापैकी काहींचे ऑडीयो / व्हिडीयोस खास मानबिंदूच्या वाचकांसाठी येथे देत आहोत. शास्त्रीय संगीताच्या रसिकांसाठी ती एक मेजवानीच असणार आहे!

Videos

Audio

Pushkar lele : A Marathi Classical Singer performs todi

Pushkar lele : A Marathi Classical Singer performs Maya maha thagani

Pushkar lele : A Marathi Classical Singer performs Todi

Pushkar Lele's other videos >

*	आपले अभिप्राय हे फक्त ह्या पानाशी/त्यावरील माहितीशी संबंधित असावेत. अन्य अभिप्राय लिहिण्यास येथे टिचकी मारा.
*	लॉगिन न करताही अभिप्राय लिहिणे शक्य आहे तरीही सहसा लॉगिन करूनच अभिप्राय लिहावेत. जेणेकरून गरज पडल्यास तुमचा अभिप्राय डिलीट करण्याची सोयही तुम्हाला वापरता येईल.लॉगिन करण्यास येथे टिचकी मारा.
*	गूगल च्या पद्धतीने मराठीत टाईप करण्यास येथे टिचकी मारा

नाव :
ई-मेल :
अभिप्राय :		[ एखादा शब्द अडतोय? किबोर्ड पहा ]

मराठीत लिहा (F12 - मराठी-इंग्रजीत बदलण्यासाठी)

Remaining Characters : 1024

[ मानांकन देण्यासाठी ता-यांवर टिचकी मारा ]

मानांकनानुसार सर्वोत्कृष्ट आणि नुकतेच आलेले अभिप्राय [ सर्व अभिप्राय पहा ]

Poorva Chandrakant Kadam |

Pushkardada, Saregama var aalas te bar zal. Tu samanyanparyant pohochalas. Saglech kahi Mahephili attend karu shakat nahit.Amhi keval tuzyach sathi sare..g aikat hoto. Tu navin kai aikavnar? aso all the best. poorva

[ Oct 3, 2009 12:51 AM ]

shantanu panse |

मी तुमच्याबद्दल बोलना म्हणजे लहान तोंडी मोठा घास आहे पण तरी कही बोलतो..खुप छान आवाज आहे तुमचा. प्रत्येक संगीत प्रकार तुम्ही खुप लीलया सादर करता. आणि तुम्ही एक उत्तम गुरुसुद्धा आहात. मला तुमच्याकडून जितका काही मार्गदर्शन मिलला आहे त्याचा मला नेहमीच फायदा जाला आहे . एक गुरु म्हणुन असच मार्गदर्शन मला कायम मिळत राहो ही सदिच्छा. तुमच्या आगामी संगीत विद्यालायासाठी माज्या तुम्हाला मनापासून शुभेच्छा. हे संगीत विद्यालय सर्व विद्यार्थ्यांसाठी खुप फायाद्याच ठरेल असा मला मनापासून वाटत. शुभेच्छा.

[ Aug 16, 2009 11:23 PM ]

अक्षय |

खूप छान आवाज आहे पुष्कर तुझा..! आणि तुझी मेहनत सुद्धा कळते आहे त्यातून..! पुढील कार्यासाठी तुला मन:पूर्वक शुभेच्छा..!

[ Aug 14, 2009 7:22 PM ]

Suparna |

Pushkar can b consider as voice of d new Era of youthful classical singing. His contribution to classical singing is remarkable. N now his is stepping into new aspect calld "Gandhar Music Acadmy". We wish him all d very best for his net ventutre n looking forward to listen more n more collection of good songs. God bless u

[ Aug 16, 2009 1:04 PM ]

अभिप्राय लिहा । संपर्क । अटी आणि शर्ती । मानबिंदू टीम परिचय | साईटमॅप

Connect with us on : Facebook | Orkut | Twitter | Youtube

@ Maanbindu All Rights Reserved ,2008. Site best viewed in Microsoft Internet Explorer
@ Copyright : No Content can be re-produced on any other website without prior permission